ఉత్తములైన భార్యా భర్తల  లక్షణాలు

ఉత్తమ భర్త లక్షణాలు :

కార్యేషు యోగీ, కరణేషు దక్షః

రూపేచ కృష్ణః క్షమయా తు రామః

భోజ్యేషు తృప్తః  సుఖదుఃఖ మిత్రం

షట్కర్మయుక్తః ఖలు ధర్మనాథః 

🌺 కార్యేషు యోగీ :

పనులు చెయ్యడంలో ఒక యోగి వలె, ప్రతిఫలాన్ని ఆశించకుండా చెయ్యాలి.

 🌺 కరణేషు దక్షః :

కుటుంబాన్ని నడపడంలో, కార్యాలను నిర్వహించడంలో  నేర్పుతో, సంయమనంతో వ్యవహరించాలి. సమర్ధుడై ఉండాలి.

 🌺 రూపేచ కృష్ణః :

రూపంలో కృష్ణుని వలె ఉండాలి.

 🌺 క్షమయా తు రామః :

ఓర్పులో రామునిలాగా ఉండాలి.

 🌺 భోజ్యేషు తృప్తః :

భార్య వండినదాన్ని సంతృప్తిగా  భుజించాలి.

 🌺 సుఖదుఃఖ మిత్రం :

సుఖదుఃఖాలలో కుటుంబానికి మిత్రుని వలె అండగా ఉండాలి. మంచి చెడ్డలలో పాలు పంచుకోవాలి.

ఈ 6 పనులు సక్రమంగా నిర్వర్తించే పురుషుడు ఉత్తమ భర్తగా కొనియాడబడతాడు.

ఉత్తమ భార్య లక్షణాలు :

కార్యేషు దాసీ, కరణేషు మంత్రీ,

రూపేచ లక్ష్మీ, క్షమయా ధరిత్రీ,

భోజ్యేషు మాతా, శయనేషు రంభా

షట్కర్మ యుక్తా కుల ధర్మపత్నీ

 🌺 కార్యేషు దాసీ :

పనులు చెయ్యడంలో దాసి లాగా బద్ధకించకుండా పొందికగా, ఒద్దికగా, నిదానంగా పనులు చెయ్యాలి.

🌺 కరణేషు మంత్రీ :

మంచి సలహాలు, సూచనలు అందించడంలో మంత్రిలాగా ఉండాలి.

🌺 రూపేచ లక్ష్మీ :

రూపంలో లక్ష్మీ దేవి లాగా ఎల్లప్పుడూ కళకళలాడుతూ, చిరునవ్వు చిందిస్తూ సంతోషంగా ఉండాలి.

🌺 క్షమయా ధరిత్రీ :

కష్ట సమయాలలో, కుటుంబ నిర్వహణలో భూదేవి అంత ఓర్పును కలిగి ఉండాలి. తొందరపడి ఏ పని చేయకూడదు.

🌺 భోజ్యేషు మాతా :

భోజనం పెట్టేటప్పుడు తల్లి వలె ప్రేమగా పెట్టాలి.

🌺 శయనేషు రంభా :

పడకగదిలో రంభ లాగా ఉండాలి.

ఈ 6 పనులు సక్రమంగా చేసే స్త్రీ ఉత్తమ స్త్రీగా, ధర్మపత్నిగా కొనియాడబడుతుంది.

ఆస్ట్రో గురు - త్రికాలజ్ఞాన విభూషణ

పండిత డా. గానుగుల యుగంధరాచార్య గురూజీ ......🖋

విజయవాడ

చరవాణి :  93 96 96 26 36